المتواجدون حالياً :18
من الضيوف : 18
من الاعضاء : 0
عدد الزيارات : 74511166
عدد الزيارات اليوم : 6616
أكثر عدد زيارات كان : 216057
في تاريخ : 18 /04 /2019
ناصر سعيد البهادلي
ان نوابنا الذين تؤرقهم الخشية مما يحيق بهم اذا ما عثر الصخل او الصخلة.. تناولوا قانون البنى التحتية تشخيصاً وتمحيصاً وتفليساً حتى كاد ان ينزع القانون ملابسه التحتيه ،
فراعي الصخل يخشى ان يكون القانون غير منسجم مع الرؤيا العامة لمنع الصخل من التعثر ، وراعية الصخلة تخشى على صخلتها ان تعثر بمخلفات اعمار البنى التحتية والفوقية ، والحكومة "تجتفت" للعباس ابو فاضل وصاحت ما نريد نسوي برنامج خلي نبوكه بالقانون...
وضاعت السالفة بين الصخلة والصخل وخلي نبوكه ، والمصيبة احنا مثل الطرشان بالزفة نسمع راعي الصخل فنهتف اي والله حقه ، ونسمع راعية الصخلة ونردح اي هو هذا الصحيح ، ونسمع الحكومة تحلف بالعباس ونردفها بالصلاة على محمد وآل محمد ونتهامس: اي بوية العباس ابو راس الحار وهؤلاء مؤمنين ويخافون من هذا الحلفان....
والبلوة الجبيرة احنا بعدنا مانعرف عن فلوسنا من 2003 لهذا اليوم الاغبر وين راحت وين اجت شصار بيها بيا بطل نامت ، والطركاعة الاكبر الحكومة ماشفنا منها حجاية صدك ، كهرباء بعد يومين نصدر...جذب ، ارهاب بعد ماكو كسرنا ظهره ورجليه وبطنه وايديه وراسه وبعد بس اذانه... جذب ، ميناء العراق الكبير وميناء البصرة الجبير وميناء الفاو الكثير خلصت العراق من البطالة وتريد عمالة مستوردة ... جذب ، الجناسي المزدوجة لغيناها وكل واحد هسة عنده جنسية وحدة حتى اوباما تخلى عن جنسيته وصار عراقي... جذب ، كل اقارب المسؤولين طردتهم الحكومة من مكاتب ال "خلفوهم"... جذب ، كل حرامي باك فلوس العراق ذبيناه بالسجن حتى بريمر مسجون بسوك العورة... جذب ، ولا نايب ولا مسؤول راح يغيب عن جلسات مجلس النواب... جذب ، ولا مسؤول مزور شهادته بقى بمنصبه ... جذب ، ولا مسؤول بعد يسافر ويكضي وكته بالخارج...جذب ،... يعني اذا تعدون جذب النواب والحكومة لا تحصوها وراح نطول اذا نعدد ونخاف تملون ، ان نوابنا وساستنا وحكومتنا لايحصى جذبهم تأسياً باخلاق الله صاحب النعم التي لاتحصى بس من ربعنا سووها من ذيج الصفحة...
ونرجع لسالفتنا ...، رحنا ياخوتي للمتفائل منا ونشدناه ها شتكول بهذا القانون ، حك راسه واجاب : ليت عينيك سواء ، يعني شنو ؟؟ ، قال هذا جوابي للاعور رحنا ياخوتي للزاير ونشدناه شنو رايك بقانون الملابس التحتية ، كان جوابه : .....ط وزانها وضاع الحساب.
عدد القراء: 1321 - عدد التعليقات: 0
